AQSh Mámleketlik xatkeri Marko Rubio «The Free Press» portalındaǵı intervyuinde Qıtay Qurama Shtatlar ushın tiykarǵı qáwip ekenin aytıp, Pekin tariyxtaǵı eń iri tınıshlıq sharayatındaǵı áskeriy qurılıstı ámelge asırıp atırǵanına itibar qaratqan.
– Menińshe, Qıtay hár bir tarawda, geosiyasat, milliy qáwipsizlik, ekonomika hám sanaat kózqarasınan birinshi sanlı mashqala, – dedi joqarı mártebeli rásmiy. – QXR áskeriy baǵdarlamasınıń kólemi misli kórilmegen dárejede keń. Bul tek ǵana zamanagóy emes, al pútkil adamzat tariyxındaǵı tınıshlıq dáwiri ushın eń tez rawajlanıp atırǵan, eń iri áskeriy kúsh.

Qaraqalpaqstan xabar agentligi