Veterinariya hám sharwashılıqtı rawajlandırıw komitetinde Yaponiya xalıqaralıq birge islesiw agentliginiń (JICA) Oraylıq Aziya hám Kavkaz regionı boyınsha basshısınıń orınbasarı Yuka Sonoyama menen ushırasıw bolıp ótti.
Ushırasıwda bahası 152 million AQSh dollarına teń bolǵan «Sharwashılıqtı rawajlandırıw hám haywanlardıń salamatlıǵın jaqsılaw» joybarı sheńberindegi birge islesiw máseleleri dodalandı, dep xabar berdi komitettiń baspasóz xızmeti.
Atap ótiliwinshe, tárepler sharwashılıq xojalıqlarına jeńilletilgen kreditler ajıratıw, veterinariya tarawındaǵı ilimiy-izertlew hám diagnostika oraylarınıń materiallıq-texnikalıq bazasın bekkemlew, sonday-aq, qánigelerdiń mamanlıǵın arttırıw boyınsha birge islesiwdi belgilep aldı.
Sonday-aq, JICA grantları tiykarında haywanlar kesellikleriniń aldın alıw, Yaponiyada diagnostika hám akvakultura baǵdarlarında jergilikli qánigelerdiń mamanlıǵın arttırıwdı dawam ettiriwge kelisip alındı.

ÓzA