Tramp júrgizip atırǵan jańa tarif siyasatına juwap retinde Qıtay AQShqa buyırtpa etilgen “Boeing” samolyotın qaytarıp jiberdi. Bul xabardı BBC tarqatqan.

Kompaniya basshısı Kelli Ortbergtiń aytıwınsha, eki samolyot álle qashan qaytarılǵan. Mámleketler arasındaǵı sawda qarama-qarsılıǵı kúsheyip atırǵanın esapqa alsaq, keyingi samolyotlar da tez arada qaytarıp jiberiledi. Bıyıl QXRǵa jáne 50 samolyot satılıwı kerek edi, biraq qarıydarlar buyırtpalardı biykar etti.
Málim bolıwınsha, AQSh Qıtaydan baratuǵın ónimlerge 145 procent bajı saldı, Pekin bolsa buǵan 125 procent salıq penen juwap berdi.
Amerikanıń eń iri hawa kemeleri eksportshısı esaplanǵan “Boeing” kommerciyalıq samolyotlarınıń derlik 70 procentin Amerikadan sırtqa satadı.

Qaraqalpaqstan xabar agentligi