Qaraqalpaqstan Respublikası Joqarǵı Keńesiniń Baslıǵı Amanbay Orınbaev Qıtay Xalıq Respublikasınıń CSADI company (Central South Architecture designe Institute) co LTD kompaniyası vice-prezidenti Lyu Geng CHjon basshılıǵındaǵı delegaciya menen ushırastı.

Ótkerilgen ushırasıwda respublikamız aymaǵında sırt el investiciyaların tartıw arqalı jańa joybarlardı ámelge asırıw, birge islesiw perspektivaların belgilep alıw, Qıtay texnologiyaları tiykarında respublikamız aymaǵında jańa obektlerdi qurıw tuwralı sóz etildi.
Sóylesiw dawamında kompaniya wákilleri respublikamız aymaǵında jańa obektlerdi qurıw boyınsha ózleriniń joybarların usındı hám prezentaciyaları menen tanıstırdı.
Óz gezeginde Joqarǵı Keńes Baslıǵı elimizde húrmetli Prezidentimiz tárepinen investiciyalıq tartımlılıqtı arttırıw, jańa joybarlardı qollap-quwatlaw boyınsha keń imkaniyatlar jaratıp berilgenligin, hár qanday baslama ushın barlıq sharayatlar jaratılatuǵınlıǵın atap ótti.

Qaraqalpaqstan xabar agentligi