Búgin, 23-aprel kúni Samarqand qalasında Ózbekstan Respublikası hám Rossiya Federaciyası delegaciyaları arasında rásmiy sóylesiwler baslandı. Ushırasıw eki mámleket sırtqı isler ministrleri – Baxtiyor Saidov hám Sergey Lavrov basshılıǵında ótkerilmekte.

Ózbekstan Sırtqı isler ministrligi baspasóz xatkeri Ahror Burxonov óz Telegram -kanalında xabar beriwinshe, sóylesiwler doslıq hám konstruktivlik ruwxta ótpekte. Tárepler Ózbekstan hám Rossiya arasındaǵı siyasiy, sawda-ekonomikalıq hám mádeniy-gumanitarlıq tarawlardaǵı birge islesiwdiń házirgi jaǵdayı hám perspektivaların dodalamaqta.
Sóylesiw dawamında strategiyalıq sheriklikti jáne de bekkemlew, birgeliktegi joybarlardı ámelge asırıw hám bir qatar tarawlarda birge islesiwdi keńeytiw máselelerine ayrıqsha itibar qaratılmaqta. Sonday-aq, áhmiyetli regionallıq hám xalıqaralıq máseleler boyınsha pikir alısılmaqta.

A.Alimova, ÓzA