Ózbekstan Respublikası Prezidenti Shavkat Mirziyoev 23-aprel kúni Samarqand qalasında ámeliy sapar menen bolıp turǵan Rossiya Federaciyası sırtqı isler ministri Sergey Lavrov basshılıǵındaǵı delegaciyanı qabılladı.

Ushırasıw basında joqarı mártebeli miyman mámleketimiz basshısına Rossiya Federaciyası Prezidenti Vladimir Putinniń sálemin hám jaqsı tileklerin jetkerdi.
Sóylesiwde Ózbekstan-Rossiya doslıq, keń kólemli strategiyalıq sheriklik hám awqamlaslıq qatnasıqların joqarı dárejede erisilgen kelisimlerdi ámelge asırıw kózqarasınan bunnan bılay da bekkemlewdiń áhmiyetli máseleleri kórip shıǵıldı.
Barlıq baǵdarlarda jedel sóylesiwler hám nátiyjeli almasıwlar alıp barılıp atırǵanı qanaatlanıwshılıq penen atap ótildi. Tovar almasıw hám investiciyalardıń kólemi keńeymekte. Aymaqlar hám jetekshi sanaat kárxanalarınıń kooperaciyası kúsheymekte. Mádeniyat, kórkem óner, ilim, bilimlendiriw, densawlıqtı saqlaw, sport hám turizm tarawlarında birge islesiw keńeytip barmaqta.
Táreplerdi qızıqtırǵan regionallıq hám xalıqaralıq áhmiyettegi máseleler boyınsha da pikir alısıldı.

ÓzA