Ózbekstanda shembi yamasa ekshembige tuwra kelgen bayramlar múnásibeti menen qosımsha dem alıs kúnleri beriledi. Kiyatırǵan may ayında bolsa dem alıs kúnine tuwra keletuǵın birde-bir bayram joq.

Bul ayda 5 shembi, 4 ekshembi hám tek ǵana 9-may – eslew hám qádirlew kúni bar. Soǵan bola, 5 kúnlik jumıs rejiminde isleytuǵınlar ay dawamında 10 kún, 6 kúnlik jumıs rejiminde isleytuǵınlar 5 kún dem aladı.
Dem alıssız isleytuǵın pidayılar bolsa, 31 kún de isley beredi.
Maǵlıwmat ushın, 9-may hápteniń juma kúnine tuwra kelgeni sebepli siz 9-10-11-may kúnleri izbe-iz 3 kún dem alasız.

Qaraqalpaqstan xabar agentligi