Bunnan aldın xabar bergenimizdey, 14-20-aprel kúnleri Rossiyanıń Xabarovsk qalasında boks boyınsha «Konstantin Korotkov» xalıqaralıq estelik turniri bolıp ótti.

Ótkerilgen bul turnirde Ózbekstan saylandı komandası aǵzaları da tabıslı qatnasıp, jarıs juwmaǵında 4 altın, 5 gúmis hám 7 qola medalların qolǵa kirgizip, ulıwma komandalıq esapta ekinshi orındı iyelewge miyasar boldı.
Respublikamız boks jankúyerleri ushın sonı aytıp ótiwimiz kerek, bul jarısta saylandı komanda quramında -60 hám -65 kg salmaq kategoriyalarında bellesiwlerge túsken Rashida Tagirova hám Aysanem Saruarovalar qola medalın jeńip alıwǵa miyasar boldı.
Jeńimpaz sportshılarımız hám olardıń trenerlerin erisken bul jeńisi menen qızǵın qutlıqlaymız.

Adilbay Orazov,
Qaraqalpaqstan xabar agentligi sholıwshısı.