Ózbekstan Respublikası Korrupciyaǵa qarsı gúresiw agenligine Saudiya Arabstanı Patshalıǵı Qadaǵalaw hám korrupciyaǵa qarsı gúresiw uyımı (NAZAHA) Prezidenti Mazin Al Kaxmus keldi.

Agentlik direktorı Akmal Burxonov penen ushırasıwda eki mámleket kontrkorrupciya uyımları arasında birge islesiwdi kúsheytiw, óz-ara tájiriybe almasıw mexanizmi hám baǵdarları dodalandı.
Mazin Al Kaxmus Ózbekstan basshısınıń siyasiy erk-ıqrarı menen usı tarawda ámelge asırılıp atırǵan áhmiyetli ilajlardı joqarı bahaladı. Ózbekstannıń region mámleketleri arasında tarawda sezilerli unamlı nátiyjelerge erisip atırǵanı, bul bolsa mámlekettiń korrupciyaǵa qarsı gúresiwge baylanıslı xalıqaralıq reyting hám indekslerdegi ornı jıldan-jılǵa kóterilip atırǵanında kózge taslanıp atırǵanın da ayrıqsha atap ótti.
A.Burxonov kontrkorrupciya reformalarınıń rawajlanıwında xalıqaralıq birge islesiwge áhmiyet qarattı. Atap aytqanda, Saudiya Arabstanınıń tarawdaǵı aldınǵı tájiriybe hám ámeliyatın jaqınnan úyreniw korrupciyaǵa qarsı gúresiwde jańa mexanizmlerdi engiziw imkaniyatların jáne de keńeytiwge xızmet etetuǵının atap ótti.
Ushırasıw sheńberinde Agentlik hám NAZAHA arasında eki tárepleme birge islesiwdiń huqıqıy tiykarın jaratıwshı óz-ara kelisim memorandumına qol qoyıldı. Onda korrupciyanıń aldın alıw hám oǵan qarsı gúresiw tarawındaǵı birge islesiwdi bekkemlew hám qatnasıwshılardıń institucionallıq potencialın rawajlandırıw hám arttırıw názerde tutılǵan.
Tárepler nátiyjeli birge islesiwdiń jolǵa qoyılıwı mámleketlerimiz ushın birdey paydalı ekenin ayrıqsha atap ótip, dodalanǵan hár bir baǵdar boyınsha anıq wazıypa hám rejelerdi belgilep aldı.

N.Abduraimova, ÓzA