Prezident Shavkat Mirziyoevtiń basshılıǵında dúnyada júz berip atırǵan ekonomikalıq terbelislerdiń mámleketimiz tarawı hám tarmaqlarına tásirin jumsartıw ilajları boyınsha videoselektor májilisi ótkerildi.

Májiliste 3-4 uyım mısalında aytılǵan sın kózqaraslar basqa ministrlik hám tarmaqlarǵa da tiyisli ekeni atap ótildi.
Ekologiya, Awıl xojalıǵı, Qurılıs, Energetika, Joqarı bilimlendiriw ministrlikleri, Kadastr agentligi, Avtojollar komiteti, Sanaat qáwipsizligi komiteti, Qurılıs inspekciyası sistemasında da byurokratiya elege shekem joqarılıǵı kórsetip ótildi.
Usı ministrlik hám uyımlar basshılarına búgingi májilisten juwmaq shıǵarıp, xalıq hám isbilermenlerge xızmetlerdi jeńillestiriw tapsırıldı.
Ulıwma, barlıq dárejedegi basshılar aldına islep shıǵarıwshı hám eksportshılar menen turaqlı qatnasta bolıw wazıypası qoyıldı.
Májilis dawamında aymaq hám tarmaqlar basshılarınıń esabatları, isbilermenlerdiń pikir-usınısları tıńlandı.

ÓzA