Prezident Shavkat Mirziyoevtiń basshılıǵında videoselektor májilisi dawam etpekte.

Házirgi waqıtta konditerlik hám salqın ishimlikler tarmaǵı jergilikli sanaattıń drayverine aylanıp úlgergeni hám onı qollap-quwatlaw zárúr ekenligi atap ótildi.
Sonıń ushın qumshekerge akciz tólemi biykar etiletuǵını belgilendi. Qurǵaq sút importına qoyılǵan sheklewler de alıp taslanadı.
Onıń esabınan derlik 40 mıń adam isleytuǵın 5,5 mıń konditer hám salqın ishimlik islep shıǵarıwshı kárxanalardıń jıllıq aylanısı keminde 50 trillion sumǵa jetedi.
Házirgi waqıtta 2,5 mıńǵa shamalas restoran hám kafe QQS tólemekte. Jıldıń basınan olarǵa QQStıń 20 procentten 40 procentke shekemgi bólegin «keshbek» sıpatında qaytarıw sisteması engizilgen edi. Biraq, házirgi waqıtqa shekem bul jeńillikten tek ǵana 69 ulıwma awqatlanıw kárxanası paydalanǵanı kórsetip ótildi.
Máselen, salqın ishimlik, tort, muzqaymaq sıyaqlı 200 den aslam ónim bólek-bólek satılsa, «keshbek» berilmey atır. Biraq, olarǵa da QQS tólengen.
Salıq komitetine bul baǵdardaǵı túsinbewshiliklerdi tártipke salıp, ádalatlı sistemanı jolǵa qoyıw tapsırıldı.

ÓzA