Qáwip dárejesi joqarı bolǵan 7 tovar toparındaǵı ónimlerdi mámleketlik dizimnen ótkeriw ámeliyatı biykar etiledi.

Bul haqqında Prezident Shavkat Mirziyoevtiń basshılıǵında ótkerilip atırǵan videoselektor májilisinde málim etildi.
Sertifikat alıw májbúriy bolǵan tovarlar dizimin keskin qısqartıp, ónimniń muwapıqlıǵın deklaraciyalaw ámeliyatı engiziledi.
Ásbap-úskene, shiyki zat, arnawlı texnika, transport importında mámleketimizde tán alınatuǵın sırt el joqarı sapa hám qadaǵalaw sistemalarınıń normaları islep shıǵıladı, olar import etip atırǵanda milliy sertifikat alıw talap etilmeydi.
– Bir sóz benen aytqanda, biz ónimlerdiń bazarǵa kiriwin jeńillestirip, onıń realizaciyasındaǵı qadaǵalawdı kúsheytemiz. Bul xalıqaralıq ámeliyatta ózin aqlaǵan,-dedi prezident.
Juwapkerlerge «Bazar qadaǵalawı haqqında»ǵı nızam joybarın islep shıǵıw tapsırıldı.
Ulıwma, sınaq hám sertifikatlastırıw boyınsha mámleketlik laboratoriyalar jeke menshik sektorǵa investiciya kirgiziw shárti menen berilse, tarawda sapa hám báseki bolıwı, xızmet bahasınıń túsiwi kórsetip ótildi.

ÓzA