2024-2025-oqıw jılınıń basında Ózbekstan Respublikasınıń 18-23-jas aralıǵındaǵı xalıqtı joqarı bilimlendiriw menen qamtıp alıw dárejesi 47,7 procentti quradı. Bul haqqında Milliy statistika komiteti málim etti.

Usı jas kategoriyasındaǵı xalıqtıń joqarı bilimlendiriw menen qamtılıw kórsetkishleri 2014-jılı 6,8 procent, 2017-jılǵa kelip 8,3 procent, 2020-jılı 18,7 procent, 2022-jılı 36,6 procent hám 2024-jılı bolsa 47,7 procent kórinisinde bolǵan.
2024-2025-oqıw jılı basındaǵı nátiyjeler 2014-jıl menen salıstırılǵada 40,9 procentke joqarıraq bolıp esaplanadı.
2024-jılı respublikada joqarı bilimlendiriw mákemeleriniń sanı 211di qurap, olardan 112si mámleketlik, 30ı sırt el hám 69ı mámleketlik emes joqarı bilimlendiriw mákemeleri ekenligi málim etilgen edi.

Qaraqalpaqstan xabar agentligi