Usı jıl 14-17-aprelkúnleri Qırǵız Respublikasınıń paytaxtı Bishkek qalasında sporttıń Belbewli gúres túrinen eresekler hám hayal-qızlar arasında Bayram Erkinbaevtıń esteligine baǵıshlanıp, Xalıqaralıq Gran-pri jarısı bolıp ótti.

Jarısqa Ózbekstan saylandı komandası quramında qatnasqan respublikamız wákili Zemfira Azatova 65 kg salmaq kategoriyasında barlıq qarsılasların jeńip shıǵıp, altın medal iyesine aylandı.
-Shákirtimniń tabısı bizlerdi jáne de alǵa qaray umtıldıradı,-deydi Zemfiranıń treneri Dúkenbay Saduaqasov.-Házirgi waqıtta Ándijan wálayatında jarıslarǵa qatnasıp atırmız. Nesip etse, bul jarısta da respublikamızdıń abırayın múnásip túrde qorǵap, medallardı qolǵa kirgiziwge háreket etemiz.

Adilbay Orazov,
Qaraqalpaqstan xabar agentligi sholıwshısı.