Awa, siyasatta hámmesi áhmiyetli, sociallıq-ekonomikalıq máseleler, jańa kárxanalar, joybarlar, investiciya, jumıs orınları boyınsha rejeler…

Bulardıń hámmesi áhmiyetli, hámmesi. Biraq, meni Prezidenttiń shaxs sıpatındaǵı, áke sıpatındaǵı, baba sıpatındaǵı, ápiwayı insan sıpatındaǵı sóylesiwi, keńpeyilligi, ápiwayılıǵı hámmesinen kóbirek tásirlendiredi.
Mámleketimiz basshısınıń kútilmegende Ándijanda jol boyındaǵı lazım bolıp atırǵan úyge kewil aytıw ushın kirgenin, jaqınlardıń kewilin kótergenin búgin úyimdegiler, qońsı-qobalar da úlken húrmet penen ayttı.
Keshke jaqın Prezidentimizdi ayrıqsha itibarǵa mútáj balalar dógereginde kórdim.
Bul perishtedey ájayıp balalar insannıń itibarına qarap oǵan umtıladı, olardıń aldında turǵan insannıń abırayı, lawazımı, kim ekenligin bilip emes, keńpeyilligin, mehrin sezingenine qushaǵın ashadı.
Awa, biz ózbekstanlılar hár túrlimiz, birewler talantlı, birewler chempion, birewler bolsa jaqınlarınıń da atın aytalmaytuǵını yamasa 10ǵa shekem sanay almawı múmkin. Biraq olar da usı watannıń balaları. Olardıń ózi de, ata-anası da mámlekettiń, kerek bolsa, Prezidenttiń mehri-qushaǵı, járdeminde bolıwǵa ılayıq.
Usınday bolıp atırǵanınan quwanıshlıman.

Qaraqalpaqstan xabar agentligi