Hindstannıń Noida qalasında bolıp ótken xalıqaralıq kinofestivalda ózbek kino dóretiwshileri tárepinen islengen annimaciyalıq film arnawlı sıylıqtı qolǵa kirgizdi.

«Astir Animation» tárepinen Abdulatif Haydarovtıń basshılıǵında dóretilgen «Ullı jipek jolı boylap sayaxat» hám «Tumaris» atamasındaǵı multfilmlerimiz «Award of Distinction» nominaciyası boyınsha sıylıqlandı.
Zamanagóy 3D -texnologiyasınan paydalanıp islengen hár eki kartina tek ǵana tamashagóylerde emes, al tóreshilerde de úlken tásir qaldırdı.
«Ullı Jipek jolı boylap sayaxat» áyyemgi Xiywa ótmishin sóz etedi, «Tumaris» bolsa Oraylıq Aziya tariyxında óshpes iz qaldırǵan ápsana adamnıń ómirine baǵıshlanǵan.
Xalıqaralıq tóreshiler hám animaciya tamashagóyleri filmlerimizdiń kórkem hám texnikalıq dárejesine joqarı baha berip, ózine tánlik, mádeniy áhmiyet hám vizual atqarıw kóz qarasınan, dóretpeni ayrıqsha tán aldı.
«Astir Animation» ózbek studiyası bunnan aldın da xalıqaralıq masshtabta bir qatar jetiskenliklerge eriskenin atap ótiw kerek. Máselen, ótken jılı «Xasis baqqol» mulfilmi menen Kalkutta qalasında bolıp ótken Xalıqaralıq balalar kinofestivalında tabısqa erisken edi.

Aziza Alimova, ÓzA