Milliy mánawiyatımızdı bunnan bılay da rawajlandırıw, onı jaslarımızdıń sanasına sińdirip barıw, olardı kitapqumarlıqqa baǵdarlaw maqsetinde, keń jámiyetshilik arasında úgit-násiyat jumısların alıp baratuǵın jumısshı topar aǵzalarınıń qatnasıwında Qaraózek rayonında seminar shólkemlestirildi.

Ilajda Respublika Ruwxıylıq hám aǵartıwshılıq orayınıń Qaraqalpaqstan bólimi baslıǵı T.Atamuratov hám úgit-násiyat toparı aǵzaları B. Sultanov, Q. Mámbetov hám basqalar tárepinen dúnyada ideologiyalıq gúresler dawam etip atırǵan, kiber hám ruwxıy qáwipler kún sayın kúsheyip baratırǵan házirgi dáwirde balalar arasında úzliksiz tálim-tárbiya jumısların alıp barıw, jaslar arasında milletleraralıq tatıwlıq, awızbirshilikti bekkemlew, ásirler dawamında qáliplesken qádiriyatlarǵa ámel etip jasawǵa úyretiw, jámiyettegi unamsız illetlerge, qáwip-qáterlerge qarsı gúresiw immunitetin qáliplestiriw búgingi kúni hár bir puqaranıń ádiwli minneti ekenligi haqqında keń túrde aytıp, seminar qatnasıwshılarınıń qızıqtırǵan sorawlarına juwap berildi.

Qaraqalpaqstan xabar agentligi