«Awıl xojalıǵı táwekelshiliklerin qamsızlandırıw haqqında» nızam qabıl etildi, dep xabar beredi xs.uz.

Nızam awıl xojalıǵı táwekelshiliklerin qamsızlandırıw tarawındaǵı qatnasıqlardı tártipke saladı.

Awıl xojalıǵı ónimin islep shıǵarıwshılar awıl xojalıǵı ónimin islep shıǵarıwda tómendegi bir yamasa bir neshe táwekelshilikler boyınsha awıl xojalıǵı qamsızlandırıw shártnamaların dúzedi:
– tábiyǵıy hám texnogen apatshılıqlar;
– órt;
– ósimliklerdiń zıyankesler hám keselliklerden zıyanlanıwı;
– awıl xojalıǵı haywanlarınıń juǵımlı kesseliklerdiń tarqalıwı hám záhárleniwi;
– jabayı haywanlar tárepinen eginlerdiń zaya bolıwı yamasa awıl xojalıǵı haywanlarına zıyan jetkeriliwi;
– úshinshi shaxslardıń háreketleri.
Awıl xojalıǵı ministrligi usı tarawda muwapıqlastırıwshı mámleketlik uyım bolıp esaplanadı.
Awıl xojalıǵınıń qamsızlanıdırılıwın mámleket tárepinen qollap-quwatlaw qamsızlandırıw sıylıqları hám qayta qamsızlanıdırıw qarjıları esabınan kompensaciya etilmegen bólegin qaplaw ushın byudjet subsidiyaların ajıratıw arqalı ámelge asırıladı.
Húkimet tárepinen awıl xojalıǵınıń qamsızlandırıwshısı sıpatında Awıl xojalıǵı qamsızlandırıw qorı shólkemlestiriledi.
Nızam rásmiy járiyalanǵan kúnnen baslap 3 ay ótken soń (14-iyulde) kúshke kiredi.

Qaraqalpaqstan xabar agentligi