«Arnawlı júkler hám áskeriy strukturalardıń tranziti haqqında»ǵı nızamda tranzit ruqsatnamaların beriwdi biykar etiw haqqındaǵı qarar arza alınǵan kúnnen baslap otız kúnnen aspaytuǵın múddette qabıl etiliwi, zárúr jaǵdaylarda bul múddet sozılıwı múmkin ekeni belgilengen.

Biraq, nızamda bul múddetti sozdırıwǵa tiykar bolatuǵın jaǵdaylar hám sozdırılıwı múmkin bolǵan múddet shegarası anıq belgilep qoyılmaǵan.
Sonnan kelip shıǵıp, «Arnawlı júkler hám áskeriy strukturalardıń tranziti haqqında»ǵı nızam joybarı islep shıǵılıp, transport tarawındaǵı nızamshılıq jetilistirilmekte.
Bul nızam joybarı menen arnawlı júkler hám áskeriy strukturalardıń tranzitine ruqsatnama beriw yamasa onı beriwdi biykarlaw haqqındaǵı qarar arza alınǵan kúnnen baslap jigirma kúnnen aspaytuǵın múddette qabıl etiliwi, zárúr jaǵdaylarda bul múddet on kúnge shekem sozdırılıwı múmkin ekeni belgilenbekte. Arnawlı júkler hám áskeriy strukturalardıń tranzitine ruqsatnamanıń ámel etiw múddetin bolsa toqsan kún etip belgilew názerde tutılmaqta.
Bul hújjet Oliy Majlis Nızamshılıq palatasınıń májilisinde ekinshi oqılıwda statyama-statya qarap shıǵılıp, deputatalar joybardıń qabıl etiliwi logistika sistemasın rawajlandırıw, tranzit tasıwlardıń kólemin arttırıw hám nızamshılıqtaǵı boslıqlardı saplastırıw hám transport tarawındaǵı nızamshılıqtı jetilistiriwge xızmet etetuǵının atap ótti.

M.Komilova, ÓzA