Usı jıldıń 15-aprel kúni Oliy Majlis Senatınıń Baslıǵı Tanzila Narboevanıń Túrkiya Respublikasınıń Ózbekstan Respublikasındaǵı Ayrıqsha hám Tolıq huqıqlı elshisi Ufuk Ulutash penen ushırasıwı bolıp ótti.

Sóylesiw barısında Ózbekstan hám Túrkiya arasındaǵı mámleketleraralıq hám parlamentleraralıq birge islesiwdi bunnan bılay da tereńlestiriwdiń áhmiyetli máseleleri dodalandı, sonday-aq, eki tárepleme baylanıslardı keńeytiwdiń perspektivalı baǵdarları belgilep alındı.
Tárepler Ózbekstan-Túrkiya qatnasıqları mámleket basshılarınıń turaqlı siyasiy sóylesiwi hám tıǵız birge islesiwi nátiyjesinde joqarı dárejelerdi kórsetip, jedel rawajlanıp atırǵanın ayrıqsha atap ótti. Erisilgen nátiyjelerge qanaatlanıw sıpatında, parlamentleraralıq birge islesiwdi bunnan bılay da bekkemlewge bolsa eki tárepleme startegiyalıq sherikliktiń áhmiyetli baǵdarlarınan biri sıpatında qaralıp atırǵanı atap ótildi.
Ushırasıwda parlamentleraralıq birge islesiw máselelerine, sonıń ishinde, bolajaq saparlardı shólkemlestiriw, birgelikte ilajlar ótkeriw eki mámlekettiń nızam shıǵarıwshı uyımları arasında tájiriybe almasıwǵa ayrıqsha itibar qaratıldı.
Elshi Ufuk Ulutash Ózbekstan Respublikası Prezidentiniń jaqında Túrkiyaǵa ámelge asırǵan saparı sheńberinde erilsilgen kelisimlerdiń hám qol qoyılǵan hújjetlerdiń áhmiyetin ayrıqsha atap ótip, bul kelisimler strategiyalıq sheriklikti rawajlandırıwda jańa basqıshqa aylanıp atırǵanın atap ótti. Sonday-aq, Túrkiya Ózbekstanda ámelge asırılıp atırǵan keń kólemli reformalardı bunnan bılay da hár tárepleme qollap-quwtalawǵa tayar ekenin tastıyıqladı.
Ushırasıw juwmaǵında tárepler xalıqaralıq hám regionallıq parlamentlik strukturalar, sonıń ishinde Túrkiy mámleketler Parlament Assambleyası (TúrkPA) sheńberinde jedel birge islesiwge tayar ekenligin bildirdi.

ÓzA