Ekonomika hám qarjı ministrliginde Ózbekstan hám Túrkiya arasındaǵı sawda-ekonomikalıq birge islesiw boyınsha Húkimetleraralıq komissiya sheńberinde Jumısshı topardıń gezektegi dodalaw májilisi bolıp ótti.

Májiliste Túrkiya Respublikası Kommerciya ministrligi departamentiniń direktorı Xakki Burunchu basshılıǵındaǵı juwapker ministrlik hám uyımlardıń qánigeleri, sonday-aq, Ózbekstan tárepinen Ekonomika hám qarjı ministrligi hám tiyisli ministrlikler menen uyımlar, tarmaq shólkemleriniń wákilleri qatnastı.
Ilajda Húkimetleraralıq komissiyanıń 8-májilisi «Háreketler rejesi»nde belgilengen wazıypalardıń orınlanıwı hár tárepleme dodalandı. Tosqınlıqlardı saplastırıw boyınsha anıq usınıslar bildirildi hám keleshekte ámelge asırılıwı rejelestirilgen investiciyalıq hám ekonomikalıq joybarlardı jedellestiriw máseleleri kórip shıǵıldı.
Sonday-aq, bıyıl 14-15-may kúnleri Tashkent qalasında ótkeriliwi rejelestirilip atırǵan Húkimetleraralıq komissiyanıń 8-májilisi hám Biznes-forumına tayarlıq kóriw boyınsha ámeliy ilajlar belgilendi.
Májilis sońında tárepler óz-ara paydalı birge islesiwdi jáne de rawajlandırıw, «Háreketler rejesi»nde názerde tutılǵan maqsetlerge erisiw hám nátiyjeli, hám sistemalı jumıstı dawam ettiriw boyınsha kelisimge eristi.

N.Ziyodullaeva, ÓzA