Ózbekstan usı jıl 13-aprelden 13-oktyabrge shekem Yaponiyada bolıp ótetuǵın “Expo Osaka 2025” Pútkil jer júzilik kórgizbesinde qatnaspaqta. Ózbekstan Mádeniyat hám kórkem ónerdi rawajlandırıw qorı tárepinen shólkemlestirilgen milliy pavilonımızdı tayarlaw boyınsha jumıslar Investiciyalar, sanaat hám sawda ministrligi menen birgelikte 2023-jılı baslanǵan. Pavilonnıń sherigi Shveycariyanıń «Nussli Switzerland» qurılıs kompaniyası bolıp esaplanadı. Joybar belgili ATELIER BRÜCKNER (Germaniya) studiyası tárepinen islep shıǵılǵan.

«Bilimler baǵı» dep atalatuǵın usı baslamanıń normativlik sheshimi temanıń mazmun-mánisin tolıq kórsetip, elimizdiń ótmishi hám keleshegi, kóp ásirlik miyrası hám mádeniyatınıń úylesimligin kórsetedi.
750 kvadrat metr maydandı iyelegen úsh qabatlı áywannıń dizaynı turaqlı rawajlanıw principine sáykes, tábiyǵıy qurallar hám modulli qurılmadan paydalanǵan halda qáliplestirilgen. Úsh múyish túri Oraylıq Aziya xalıqlarına tán dástúriy tumardan ilham alıp saylanǵan. Qurılısta tábiyǵıy, qayta isleniwi múmkin bolǵan aǵash, ılay hám gerbish qollanǵan.
Imartattıń sırtqı tárepi ózbek kestesi, naǵısı hám Ózbekstan simvolın kórsetetuǵın dástúriy naǵıs penen bezetilgen.
Pavilon keliwshilerge Ózbekstannıń Turaqlı rawajlanıw ushın úsh tiykarǵı maqseti – sapalı bilimlendiriw, qolaylı hám taza energiya jáne sanaatlastırıw, innovaciya hám infrastrukturaǵa muwapıq ámelge asırılıp atırǵan ógerislerdi kórsetedi.
Kórgizbe joybarı prezentaciyasınan tısqarı baǵdarlamadan bir qatar mádeniy ilajlar da orın alǵan.
“Expo Osaka 2025” kórgizbesi yaponshadan awdarma etilgende «Ármanlar atawı» mánisin ańlatatuǵın Yumeshima jasalma atawında ótedi.
Ózbek milliy pavilonı kórgizbeniń batıs bóleginde, tiykarǵı qatnasıwshı mámleketlerdiń pavilonları oraylıq aylanasında jaylasqan. Úsh qabattan ibarat áywanda – háreketleniwshi platforma keliwshilerdi tásirli sayaxatqa alıp shıǵadı.
“Expo Osaka 2025” kúnshıǵıs eliniń Aiti qalasında bolıp ótken ánjumanınan keyin 20 jıl ishinde Yaponiyada ótkerilip atırǵan birinshi xalıqaralıq kórgizbe esaplanadı.

Muharrama Pirmatova, ÓzA