Vashington qalasına saparı sheńberinde Oraylıq Aziya xalıqaralıq institutınıń direktorı Javlon Vahobov Kaspiy siyasiy orayı Qáwipsizlik hám siyasat baǵdarlamasınıń baslıǵı, basqarıw keńesiniń aǵzası Richard Xolgand penen birge islesiw haqqında kelisimge qol qoydı.

Óz-ara sóylesiw waqtında mırza Xogland bul waqıyanıń ayrıqsha áhmiyetin atap ótip, bul baslama qáwipsizlik, ekonomika hám turaqlı rawajlanıw tarawlarında ilimiy izleniwlerdi tereńlestiriw hám tájiriybe almasıw ushın jańa imkaniyatlar ashatuǵının atap ótti.
Óz gezeginde J.Vahobov bul mákeme OAXI qatnasıq ornatqan birinshi Amerika tallaw orayı ekenine áhmiyet qarattı. Onıń pikirinshe, qol qoyılǵan kelisim ilimiy hám ekspert almasıwın keńeytiw, akademiyalıq birge islesiwdi bekkemlewge xızmet etedi.
Táreplerdiń atap ótkenindey, bul hújjet jáne de keńirek hám sistemalı sheriklik ushın tiykar jaratadı. Ekonomika, siyasat, energetika, keń Transkaspiy orayında regionallıq óz-ara baylanıslılıq sıyaqlı izertlew baǵdarların qamtıp alǵan.
Kaspiy siyasiy orayı Vashingtonda jaylasqan ǵárezsiz kommerciyalıq emes shólkemi bolıp, regiondaǵı eń áhmiyetli máselelerge itibar qaratadı. Ulıwma mashqalalardı tereńirek ańlawǵa xızmet etetuǵın izertlewler, sóylesiwler ushın qolaylı maydanǵa aylanıwǵa umtılmaqta.

Ǵ.Xonnazarov, ÓzA