Ózbekstannıń investiciyalıq tartımlıǵın arttırıw jolında jáne bir áhmiyetli qádem qoyıldı. Ózbekstan Respublikası Investiciyalar, sanaat hám sawda ministrligi Jáhán banki toparına kiretuǵın Xalıqaralıq qarjı korporaciyası (IFC) menen birge islesiw haqqında kelisimge qol qoydı.

Turaqlı ekonomikalıq rawajlanıw hám abadanlıqqa erisiw boyınsha izbe-iz sheriklik tariyxında jańa bet ashatuǵın bul kelisim Laziz Qudratov bısshılıǵındaǵı delegaciyanıń AQShqa saparı sheńberinde ámelge asırıldı.
Mámleketimiz innovaciyalıq ekonomikanıń ósiwiniń tiykarǵı faktorı bolǵan alternativ investiciyanı xoshametlew hám rawajlandırıw ushın zárúr esaplanǵan normativlik-huqıqıy dárekti jedel jetilistiriwge qaratılǵan hújjetke bola, IFC ministrligimizge alternativ tarawına baylanıslı aldınǵı nızamshılıqtı engiziwde texnikalıq járdem kórsetedi. Joybar investorlar ushın jáne de qolaylı sharayat jaratıw, qarjılay járdem tartıw imkaniyatın keńeytiw hám biznes ushın jańa imkaniyatlar ashıwǵa xızmet etedi.
Nátiyjeli ushırasıwda tárepler, sonıń ishinde, investiciya hám arnawlı ekonomikalıq zonalar haqqındaǵı nızam hújjetleri toplamın islep shıǵıw máselesine ayrıqsha itibar qarattı. Házirgi processtiń isbilermenlik oratlıǵın jaqsılawdaǵı áhmiyeti atap ótildi.
Milliy ekspertiza hám jańa investiciya quralların nátiyjeli tártipke salıw ushın zárúr bolǵan institucionallıq strukturanı qáliplestiriwde IFC járdemi áhmiyetli ekenligi atap ótildi. Usı struktura ekspertleriniń bolajaq saparı óz-ara birge islesiwdi jáne de tereńlestiriwi, reformalardıń ámeliy tárepin islep shıǵıw imkaniyatın beretuǵını gúmansız.
Sóylesiw dawamında iyun ayında bolıp ótetuǵın Tashkent xalıqaralıq investiciya forumı teması da kóterildi. Ánjuman Ózbekstannıń investiciya potencialın, mámleket aymaqlarında perspektivalı joybarlardı qarjılandırıw kólemin keńeytiw menen baylanıslı strategiyalıq imkaniyatın kórsetiw ushın áhmiyetli maydanǵa aylanıwı kútilmekte.

G.Sattarov, ÓzA