Usı jıldıń 9-aprel kúni «Áskeriy xızmetkerlerdi sociallıq qorǵaw kúsheytiliwi múnásibeti menen Ózbekstan Respublikası Húkimetiniń ayırım qararlarına ózgerisler menen qosımshalar kirgiziw haqqında»ǵı Ministrler Kabinetiniń qararı qabıl etildi.

Qararǵa bola, áskeriy xızmetkerlerge turaq jaydı ijaraǵa alǵanı (ijaraǵa turǵanı) ushın tólep beriletuǵın aylıq pul kompensaciyasınıń muǵdarı 20 procentke kóbeytildi. Onda pul kompensaciyasınıń muǵdarlarına tómendegishe ózgerisler kirgizildi.

Tashkent qalasında – BEMniń 4,8 esesine shekem, Nókis qalası hám wálayatlar oraylarında – BEMniń 3,6 esesine shekem, respublikanıń basqa qalaları, rayonlar orayları hám elatlı punktlerinde – BEMniń 2 esesine shekem ózgeris kirgizildi.

Sonday-aq, 2025-jıl 1-iyunnen nızamshılıq hújjetlerine muwapıq tastıyıqlanatuǵın ipoteka kreditlerin ajıratıw kórsetkishleri tiykarında turaq jay menen támiyinlenetuǵın, kalendar esabında 10 jıldan aslam áskeriy xızmetti ótegen áskeriy xızmetkerlerge turaq jay satıp alıw (qurıw) ushın ipoteka kreditin alıwda ajıratılatuǵın dáslepki tólem muǵdarı turaq jaydıń esaplanǵan bahasınıń 35 procenti muǵdarında belgilendi. Aldın bul muǵdar hámme ushın 25 procentti quraǵan.

Qaytıs bolǵan áskeriy xızmetkerlerdiń shańaraq aǵzaları hám mayıplıǵı bolǵan áskeriy xızmetkerlerdi birinshi gezekte turaq jay menen támiyinlew belgilengen. Eger olar uzaq múddetli jeńillikli kredit tiykarında turaq jay menen támiyinlengen bolsa, qaytarılmaǵan kredit muǵdarı hám kredit boyınsha esaplanǵan procentler Mámleketlik byudjet esabınan tolıq qaplap beriledi.

Sh.Mamaturopova, ÓzA