Oliy Majlis Nızamshılıq palatasında Kanada Parlamenti Wákiller palatası Bas xatkeriniń orınbasarı Jan-Filip Broshu menen ushırasıw bolıp ótti.

Sóylesiwde miymanlarǵa Nızamshılıq palatasınıń strukturalıq quramı, onıń nızam dóretiwshiligi baǵdarındaǵı jumısı, frakciyalar, komitetler, komissiyalardıń tiykarǵı wazıypaları haqqında tolıq maǵlıwmat berildi.
Óz gezeginde, Jan-Filip Broshu keyingi jıllarda Prezident Shavkat Mirziyoevtiń basshılıǵında Ózbekstanda alıp barılıp atırǵan demokratiyalıq reformalardı joqarı bahaladı.
Sonday-aq, ol Oraylıq Aziyada birinshi márte Tashkent qalasında bolıp ótken Parlamentleraralıq Awqamnıń 150-yubiley Assambleyası joqarı dárejede shólkemlestirilgeni, ilajda Ózbekstan Respublikası Prezidenti tárepinen alǵa qoyılǵan áhmiyetli baslamalar xalıqaralıq sammit kún tártibindegi máseleler menen sáykes hám únles ekenligin ayrıqsha atap ótti.
– Bul meniń elińizge birinshi keliwim, keń kólemli reformalar nátiyjesinde júz berip atırǵan sociallıq-ekonomikalıq baǵdarlardaǵı rawajlanıw dinamikası bársheniń dıqqatın tarttı. Keleshekte sapar etiwlerimniń kún tártibinde Samarqand hám Buxaraǵa zıyarat etiwdi rejelestirgenmen, – dedi Kanada parlamenti wákili.
Ushırasıw juwmaǵında eki mámlekettiń parlamentleri arasında baylanıslardı bunnan bılay da rawajlanıdırıwda parlament apparatları arasında turaqlı sóylesiw hám ámeliy birge islesiwdi jolǵa qoyıwǵa kelisip alındı.

M.Komilova, ÓzA