Prezidentimizdiń baslaması menen máhállelerde qıytaq jerlerden paydalanıwdı shólkemlestiriw arqalı xalıqtıń bántligin hám dáramatların arttırıwǵa qaratılǵan jumıslardı bunnan bılay da jedellestiriw boyınsha ámelge asırılıp atırǵan ilajlar sheńberinde, máhállelerdegi qıytaq jerlerden paydalanıwdıń nátiyjeliligin arttırıw, máhállelerdi abadanlastırıw hám kóklemzarlastırıw boyınsha ornatılǵan jańa sistema tiykarında Qanlıkól rayonında da bir qatar ilajlar ámelge asırılmaqta.

Usı maqsette rayon hákimi B.Sultanov Altınkól awıl puqaralar jıyını aymaǵındaǵı “Xoja awıl” elatlı punktinde aymaq turǵınlarınıń ovoщ-palız, kartoshka hám basqa da awıl xojalıǵı eginlerin egiw tájiriybesi menen tanıstı.
Aymaqta hár bir shańaraqta qıytaq jerge itibardıń joqarılıǵı turmıs abadanshılıǵına tiykar ekenin iste kórsete alǵan shańaraq iyelerine minnetdarshılıq bildirildi.
Ilajda rayon hákimi hám tiyisli qánigelerdiń qatnasıwında máhállelerde qıytaq jerlerden paydalanıwdı shólkemlestiriw arqalı xalıqtıń bántligin hám dáramatların arttırıwǵa qaratılǵan jumıslardı bunnan bılay da jedellestiriw baǵdarında, Ózbekstan máhálleleri associaciyası Qaraqalpaqstan Respublikası basqarması tárepinen 2025-jılı ámelge asırılatuǵın ilajlar “jol kartası”na muwapıq Altınkól APJ aymaǵında “Máhálle baǵı”na tiykar salındı.
Aymaq jası úlkenleriniń jaqsı niyetleri menen dáslepki miyweli terek nálleri otırǵızılıp, baǵ arasına ovoщ-palız, kartoshka hám basqa da eginlerdi egiw arqalı qosımsha dáramat tabıw boyınsha tájiriybe almasıldı.
Bunday baǵ jaratıw jumısları rayonnıń basqa aymaqlarında da ámelge asırılıwı názerde tutılǵan.

Qaraqalpaqstan xabar agentligi.