Endigiden bılay transport quralların piyadalar jollarınan júrgizgeni ushın juwapkershilik belgilendi, dep xabar bermekte «Huqıqıy málimleme» kanalı.

Málim etiliwinshe, nızamǵa muwapıq, Hákimshilik juwapkershilik haqqındaǵı kodekske aydawshılardıń transport quralların trotuarlardan, piyadalar hám velosiped jollarınan hám olarǵa tutas aymaqlarda qurılǵan jasıl maydanlardan júrgizgeni, jol háreketi qatnasıwshılarınıń háreketine tosqınlıq etiwshi nızamsız tosqınlıqlar hám basqa qurılmalar ornatılǵanlıǵı, sonday-aq, jónelisli transport quralları ushın ayrıqsha ajıratılǵan sızıǵı bar joldan transport quralları háreketlengenligi menen baylanıslı huqıqbuzarlıqlar ushın hákimshilik juwapkershilik belgileniwin názerde tutıwshı ózgerisler hám qosımshalar kirgizilmekte.
Kirgizilgen qosımshaǵa bola, jónelisli transport quralları ushın ayrıqsha ajıratılǵan sızıǵı bar joldan transport qurallarınıń háreketleniwi (ruqsat etilgen jaǵdaylar buǵan kirmeydi) BEMniń 1 esesi muǵdarında járiyma salıwǵa sebep boladı.
Mine, usınday huqıqbuzıwshılıqtı hákimshilik jaza qollanılǵanınan keyin 1 jıl dawamında qayta islew BEMniń 3 esesi muǵdarında járiyma salıwǵa sebep bolatuǵını belgilendi.

Qaraqalpaqstan xabar agentligi