Ministrler Kabinetiniń usı jıl 9-apreldegi «Respublikalıq hám jergilikli atqarıw hákimiyatı uyımlarınıń insan resursların basqarıw boyınsha jumısın nátiyjeli shólkemlestiriw ilajları haqqında»ǵı qararı qabıl etildi. Qarar menen insan resursların rawajlandırıw hám basqarıw bólimleri haqqındaǵı hám hákimliklerdiń Shólkemlestiriw-kadrlar toparı haqqındaǵı úlgi rejeleri tastıyıqlandı.

Sonday-aq, insan resursların rawajlandırıw hám basqarıw bólimleriniń basshıların attestaciyadan ótkeriw tártibi belgilendi. Oǵan bola, 3 aylıq múddette mámleketlik uyımlar hám shólkemlerdiń insan resursların rawajlandırıw hám basqarıw bólimleri (sonıń ishinde, hákimliklerdiń shólkemlestiriw-kadrlar toparları) basshıları attestaciyadan ótkeriledi.
Qararǵa tiykarlanıp usı jıldıń may ayınan baslap, respublikalıq hám jergilikli atqarıw hákimiyatı uyımlarınıń insan resusrların basqarıw boyınsha jumısı Mámleketlik xızmetti rawajlandırıw agentligi tárepinen hrm.argos.uz elektron platforması arqalı bahalanıp barıladı.
Qararǵa muwapıq, 2025-jıl 1-maydan, respublika hám jergilikli atqarıw hákimiyatı uyımlarınıń insan resursların basqarıw boyınsha jumısı Mámleketlik puqaralıq xızmeti tarawındaǵı arnawlı wákillikli mámleketlik uyım tárepinen bahalap barıladı. Respublikalıq hám jergilikli atqarıw hákimiyatı uyımlarınıń insan resursların rawajlandırıw hám basqarıw bólimleriniń basshıları usı qarar talapları tiykarında Mámleketlik puqaralıq xızmeti tarawındaǵı arnawlı wákillikli mámleketlik uyım tárepinen attestaciyadan ótkeriledi.
Qarar menen «Respublikalıq atqarıw hákimiyatı uyımlarınıń insan resursların rawajlandırıw hám basqarıw bólimleri haqqında»ǵı Úlgi reje tastıyıqlandı. Bul Reje respublikalıq atqarıw hákimiyatı uyımlarınıń insan resursların rawajlandırıw hám basqarıw bólimleriniń wazıypaları hám funkciyaları, jumısın shólkemlestiriw tártibin hám olarǵa qoyılatuǵın talaplardı belgileydi. Bólim basshısı lawazımına, qaǵıyda túrinde, joqarı maǵlıwmatqa iye bolǵan, keminde 2 jıl miynet stajına iye, miynet haqqındaǵı nızamshılıqtı ózlestirgen, insan resursların basqarıw hám rawajlandırıw hám málimleme qáwipsizligi hám shaxsqa baylanıslı maǵlıwmatlar menen islesiw boyınsha bilimlerge iye bolǵan shaxslar tayınlanadı.

Sh.Mamaturopova, ÓzA