Balalardı qollap-quwatlaw Jámiyetlik fondı tárepinen Qaraqalpaqstan Respublikasında jasawshı járdemge mútáj, kem támiyinlengen, awır sharayatqa túsken shańaraqlardaǵı nawqas balalarǵa konsultativlik hám qánigelestirilgen medicinalıq járdem kórsetiw jumısları ámelge asırılmaqta.

Usı maqsette gezektegi “Jaqsılıq mánzili” sociallıq-medicinalıq akciyası ótkerildi. Oǵan Tashkent qalasındaǵı jetekshi klinikalar menen oraylardıń tájiriybeli qánigeleri qatnaspaqta.
Nókis qalasındaǵı Respublikalıq balalar kóp tarmaqlı medicina orayında shólkemlestirilgen bul akciyadan gózlengen tiykarǵı maqset – Qordıń medicinalıq baǵdarlamalarına tiykarlanıp awır diagnozlı nawqas balalardı emlew, biypul dári-dármaq quralları menen támiyinlew, olardıń salamatlıǵın turaqlı tiklep barıw, sońında operaciya isleniwine zárúr bolǵan nawqas balalarda quramalı operaciya ámeliyatların ótkeriwden ibarat.
Insan qádiri ushın principi tiykarında ótkerilip atırǵan usı akciya sheńberinde 120 dan aslam quramalı operaciyalar ótkerildi.

Qaraqalpaqstan xabar agentligi