Juma kúni Qazaqstannıń Almata qalasında Ǵárezsiz Mámleketlerdiń Doslıq Awqamı Sırtqı isler ministrleri keńesiniń májilisi hám Rossiya menen Oraylıq Aziya mámleketleri diplomatiyalıq wákilxanaları basshılarınıń ushırasıwı bolıp ótedi. Bul haqqında «RIA Novosti» xabar tarqattı.

Jılına eki márte ótkeriletuǵın ǴMDAnıń bul ilajı sońǵı ret ótken jılı Moskva qalasında bolıp ótken.
Rossiya SIM gezektegi ánjumanda áhmiyetli xalıqaralıq hám regionallıq mashqalalar, sonıń ishinde 2025-jıl Awqam formatındaǵı integraciyalıq birge islesiwdiń áhmiyetli baǵdarları dodalanatuǵının bildirgen. Tárepler shegara qáwipsizligin bekkemlew máselesin de kórip shıǵıwı kútilmekte.
Atap ótiliwinshe, májilis qatnasıwshıları Awqamǵa aǵza mámleketlerde Ekinshi jer júzilik urıstaǵı jeńistiń 80 jıllıǵın belgilewge tayarlıq kóriw, bul baǵdarda mádeniy-gumanitarlıq birge islesiw máselesine de ayrıqsha itibar qaratadı.

S.Rahimov, ÓzA