Ózbekstan fermerleri keńesi baslıǵınıń orınbasarı Z.Mustafaqulov Italiyanıń CREA shólkeminen kelgen ekspertlerdi qabılladı.

Ushırasıwda BMSh rawajlanıw Baǵdarlaması (BMShRB) hám Ózbekstan Respublikası Awıl xojalıǵı ministrliginiń birgeliktegi «Awıl xojalıǵı azıq-awqat sektorınıń «jasıl ekonomika»ǵa inklyuziv ótiwdi qollap-quwatlaw hám klimatqa baǵdarlanǵan awıl xojalıǵı bilimlerin hám innovaciyalıq sistemanı rawajlandırıw joybarı keńnen dodalandı.
Joybar sheńberinde fermerler hám awıl xojalıǵında innovaciyalar, awıl xojalıǵı óndirisin jetilistiriw hám fermerlerdiń potencialın arttırıw máseleleri dodalandı. Sonıń ishinde, Monitoring hám bahalaw sistemasın kúsheytiw ushın AKIS (Agricultural Knowledge and Innovation Systems)jumısına baylanıslı atız izertlewleri, fermer xojalıqlarındaǵı nátiyjelilikti jaqsılaw hám olardıń tiykarǵı kórsetkishlerin (KPI) bahalawǵa ayrıqsha itibar qaratıldı.
Keleshekte, fermer xojalıqlarınıń potencialı hám bilimlerdi arttırıw ushın birgeliktegi ilimiy-izertlew joybarların ámelge asırıwǵa kelisip alındı. Bul birge islesiw, ásirese, awıl xojalıǵında innovaciyalıq qararlardı engiziw hám klimatqa baǵdarlanǵan óndiristiń nátiyjeliligin arttırıwǵa járdem beredi.

ÓzA