Bul haqqında Prezident Shavkat Mirziyoevtiń basshılıǵında bolıp atırǵan videoselektor májilisi dawamında atap ótildi.

Ótken jılı Mongloiya menen turizm boyınsha úlken kelisimge erisilgeni esabınan turistler 100-200 den 4 mıńǵa astı.

Qoltıq mámleketlerinde turaqlı sayaxat etetuǵın 3 million xalıq bar. Biraq olardıń kóbisi Ázerbayjan, Gruziya, Albaniya, Xorvatiya sıyaqlı vizasız rejim bolǵan mámleketlerge barmaqta.
– Durıs, bul mámleketlerge 10 kúnlik vizasız rejim engizilgen. Biraq, bul múddet 30 kúnge sozdırılsa, turistler 5-6 esege kóbeyedi. Bunnan tısqarı, Hindstan, Pakistan, Egipet hám Iranlı turistlerge viza beriwdi jeńillestiriw múmkin,-dedi mámleketimiz basshısı.
Rossiya hám Qıtaydıń aymaqları menen mánzilli islesiw jolǵa qoyılǵanı ushın investiciya hám turistler aǵımı keskin arttı. Endi bul tájiriybeni keńeytip, Yaponiya, Koreya hám Evropa mámleketleri menen de shólkemlestiriw tapsırıldı.
Milliy turizmniń birden-bir platformasın iske qosıwdı tezlestiriw, onda bilet alıw hám elektron viza beriw imkaniyatların jaratıw wazıypası qoyıldı.
Malayziya hám Indoneziyadan «Umra plyus» baǵdarlaması arqalı 100 mıń zıyaratshını tartıw boyınsha jumıslar baslanǵan. Juwapkerlerge Kuala-Lumpur hám Jakartadan Samarqand, Buxara arqalı Jidda qalasına reys qoyıw boyınsha sóylesiwlerdi jedellestiriw tapsırıldı.

ÓzA