Turizm komiteti hákimlikler menen birgelikte 36 rayon hám qalanı etno, gastronomiyalıq, medicinalıq, ekstremal, mádeniy-tariyxıy, zıyarat, qısqı hám agroturizm tiykarında rawajlandırıw boyınsha úlken baǵdarlama tastıyıqlaydı.
Máselen, Sariosiyo rayonı aymaǵınıń tiykarǵı bólegi tawlardan ibarat bolıp, qısqı turizm ushın úlken potencial bar. Bul jerde dar jolı, miymanxana hám sawda-servis xızmetleri tarawında 200 million dollarlıq joybarlar islese boladı.
Jáne bir mısal, CHartaq óziniń shıpalı suwları menen belgili bolsa da, rayon hákimi jańa joybar islew bılay tursın, bar sanatoriyalarǵa da sırt elli turist alıp kele almay atır. Yaki Moynaqta hár jılı ótetuǵın «Stixiya» muzıkalıq festivalına kelgen turistlerdi kóbirek alıp qalıw ushın jańa baslamalar kerek.
Ekonomika hám qarjı ministrligine 36 rayon hám qala boyınsha master rejeler islep shıǵıwdı tezletip, joybarlardı óz waqtında qarjılandırıw tapsırıldı.

Qaraqalpaqstan xabar agentligi