Oliy Majlis Senatına Belarus Respublikası Milliy Májilisi Respublika Keńesiniń Xalıqaralıq isler hám milliy qáwipsizlik boyınsha turaqlı komissiya baslıǵı Sergey Aleynik keldi.

Senattıń Xalıqaralıq qatnasıqlar, sırtqı ekonomikalıq qatnasıqlar, sırt el investiciyaları hám turizm máseleleri komitetiniń baslıǵı Alisher Azamxwjaev penen ushırasıwda Ózbekstan Prezidenti Shavkat Mirziyoevtiń basshılıǵında mámlekette ámelge asırılıp atırǵan siyasiy hám sociallıq-ekonomikalıq reformalar, sonday-aq, Ózbekstan hám Belarus arasındaǵı birge islesiwdi keńeytiw hám jedellestiriw máselelerine itibar qaratıldı.
Belarus Respublikası Milliy Májilisi Respublikası Keńesi baslıǵı N.Kochanova basshılıǵındaǵı delegaciyanıń Parlamentleraralıq awqamnıń 150-yubiley assambleyasınında qatnasqanı usı ilajdıń jumısına áhmiyetli úles bolǵanı atap ótildi.
S.Aleynik Ózbekstan hám Belarus óz-ara paydalı birge islesiwdi keńeytiw ushın úlken imkaniyatqa iye ekenin atap ótti. Ásirese, óndiris, awıl xojalıǵı hám joqarı texnologiyalar tarawlarında birge islesiw nátiyjeli dawam etpekte.
Mámleketler arasında ekonomikalıq hám siyasiy qatnasıqlardı tereńlestiriw boyınsha úlken jumıs alıp barǵan Ózbekstan –Belarus Húkimetleraralıq komissiyasınıń jumısına ayrıqsha itibar qaratıldı.
Belarus tárepiniń wákili ózbek tárepinen parlament joqarı palataları arasındaǵı birge islesiw komissiyasınıń quramı boyınsha maǵlıwmat alǵanın tastıyıqladı hám jaqın waqıt ishinde Belarus tárepinen de komissiya quramın usınıs etiwdi, soń birgeliktegi májilisti ótkeriwge tayar ekenin bildirdi.
Ushırasıw juwmaǵında tárepler eki tárepleme birge islesiwdi jáne de tereńlestiriw, sonday-aq, túrli tarawlardaǵı anıq máselelerdi sheshiwde Parlamentleraralıq komissiyanıń jumısın jedellestiriwden mápdar ekenin bildirdi.

N.Abduraimova, ÓzA