Qıtaydıń qatnasıwında Ózbekstannıń eki aymaǵında samal hám quyash elektr stanciyaların qurıw rejelestirilgen. Bul haqqında Investiciyalar, sanaat hám sawda ministrligi baspasóz xızmeti xabar berdi.

Birinshi Samarqand xalıqaralıq klimat forumı sheńberinde ministrlik hám Qıtay kompaniyaları arasında «jasıl» ekonomikanı rawajlandırıwǵa qaratılǵan investiciyalıq kelisimge qol qoyıldı.
Atap aytqanda, «SANY Renewables International Investment» kompaniyası menen Qaraqalpaqstanda samal elektr stanciyasın qurıwǵa kelisildi. Onıń quwatlılıǵı 1000 MVttı quraydı.
Ekinshi joybarda «Liquip International» kompaniyası menen Jizzaq wálayatınıń Forish rayonında 500 MVt quwatlılıqqa iye quyash elektr stanciyasın qurıwdı rejelestirilgen.
2030-jılǵa shekem mámlekette 19 mıń MVt «jasıl» quwatlıqlardı qurıw arqalı qayta tikleniwshi energiya úlesin 54 procentke jetkeriw rejelestirilgen.

Qaraqalpaqstan xabar agentligi