Oliy Majlis Nızamshılıq palatasınıń Spikeri Nuriddin Ismoilov Vetnam Socialistlik Respublikası Milliy assambleyasınıń Baslıǵı CHan Txan Man basshılıǵındaǵı delegaciya menen ushırastı.

Sóylesiw basında keyingi jıllarda siyasiy, ekonomikalıq, mádeniy-gumanitarlıq tarawlarda Ózbekstan – Vetnam birge islesiwi izbe-iz rawajlanıp atırǵanı ayrıqsha atap ótildi.
Sáwbetlesiw barısında miymanlarǵa Nızamshılıq palatasınıń strukturalıq dúzilisi, onıń nızam dóretiwshiligi baǵdarındaǵı jumısı, palatanıń komitetleri, komissiyalarınıń tiykarǵı wazıypaları haqqında tolıq maǵlıwmat berildi.
Óz gezeginde, CHan Txan Man Ózbekstannıń dúnya jámiyetshiligi menen nátiyjeli hám ashıq-aydın sırtqı siyasatın joqarı bahalap, eki tárepleme baylanıslardı rawajlandırıwda áhmiyetli faktor bolǵan parlamentleraralıq birge islesiwdi bunnan bılay da keńeytiw hám bekkemlew hár tárepleme paydalı ekenin atap ótti.
Sonday-aq, usı kúnlerde Tashkent qalasında bolıp ótip atırǵan Parlamentleraralıq Awqamnıń 150-Assambleyası tek ǵana mámleketimizdiń jámiyetlik-siyasiy, tariyxıy waqıyası bolıp qoymastan, Jańa Ózbekstandaǵı artqa qaytpas reformalar, ásirese, parlamentarizmdi rawajlandırıw baǵdarındaǵı nátiyjelerdiń xalıqaralıq tán alınıwı ekenin atap ótti.
– Ózbekstan Vetnam ushın oǵada áhmiyetli mámleket. Eki mámleket arasındaǵı joqarı dárejedegi turaqlı sóylesiwler keleshektegi keń kólemli birge islesiw baylanıslarına tiykar bolmaqta. Tashkentte bolıp ótip atırǵan abıraylı xalıqaralıq ilajǵa úlken delegaciya menen kelgenimiz Ózbekstanǵa bolǵan joqarı itibarımızdıń kórinisi bolıp tabıladı, – dedi CHan Txan Man.
Ushırasıwda Ózbekstan hám Vetnam arasındaǵı qatnasıqlar, sonıń ishinde, parlamentleraralıq birge islesiwdi rawajlandırıwdıń perspektivaları dodalandı. Bul baǵldardaǵı sóylesiwlerdi keńeytiw, xalıq diplomatiyası imkaniyatlarınan nátiyjeli paydalanıw zárúrligi atap ótildi.

Muhtarama KOMILOVA,
ÓzAnıń xabarshısı