17-19-aprel kúnleri Qaraqalpaqstan Respublikasınıń Nókis qalası hám Moynaq rayonında «Aral turizmi» hápteligi ótkeriledi.

Qaraqalpaqstan Respublikasında «Aral turizmi» hápteligi bolıp ótedi.
Háptelik sheńberinde regionnıń turizm potencialın úgit-násiyatlaw, ekologiya hám mádeniy miyrastı qásterlep saqlaw, sonday-aq, xalıqaralıq birge islesiwdi bekkemlewge qaratılǵan «Aralboyı jaqsı niyet elshileri» xalıqaralıq ilimiy-ámeliy konferenciyası bolıp ótedi.
Sonday-aq, miymanlar «10 mıń qádem» jámiyetshilik joybarı, «Terek egiw» akciyası hám Badminton sport jarısında qatnasıwı múmkin boladı.
Bunnan tısqarı, ilaj qatnasıwshıların «Aral balıqlarınan 99 túrdegi taǵamlar» gastronomiyalıq festivalı hám I.V.Savickiy atındaǵı muzeyine hám tariyxıy esteliklerge umıtılmas sayaxat kútpekte.
Hámmeńizdi «Aral turizmi» hápteliginde belsene qatnasıwǵa shaqıramız.

Qaraqalpaqstan xabar agentligi