2-8-aprel kúnleri Nókis qalasında sporttıń basketbol túrinen Ózbekstan chempionatı bolıp bolıp ótti.

CHempionatqa mámleketimizdiń barlıq aymaqlarınan eń kúshli komandalar qatnasıp, óz-ara kúsh sınastı.
Onda ul balalar arasında birinshi orındı Namangan wálayatı komandası iyelewge miyasar boldı. Finalda óz qarsılaslarına jeńilip qalǵan, respublikamız jasları ekinshi, qońsılas Xorezm wálayatı komandası sıylı úshinshi orınǵa iye boldı.
Al, qızlar arasında bolsa, jeńimpazlıq Ferǵana wálayatı komandasına nesip etti.
Ekinshi orındı Jizzaq wálayatı, úshinshi orındı Qaraqalpaqstan Respublikası komandaları iyeledi.
Jarıs juwmaǵında jeńimpazlar shólkemlestiriwshiler tárepinen tayarlanǵan diplom medal hám bahalı sawǵalar menen sıylıqlandı.

Adilbay Orazov,
Qaraqalpaqstan xabar agentligi sholıwshısı