Ózbekstan Qırǵızstan paytaxtında sawda úyin ashıw hám Bishkek- Tashkent logistika koridorı joybarın islep shıǵıwdı rejelestirilmekte. Bul haqqında Qırǵızstan Ekonomika hám sawda ministrligi málim etti.

Qırǵızstan Ekonomika ministrligi basshısı Baxit Sdiqov hám Ózbekstan investiciyalar, sanaat hám sawda ministriniń orınbasarı Akram Aliev arasındaǵı ushırasıw bolıp ótip, onda eki mámleket arasındaǵı birge islesiw máseleleri dodalandı.
Ushırasıwda mámleketlerdiń óz-ara tovar almasıw kólemin 2 milliard AQSh dollarına jetkeriw rejesi dodalandı. Sonday-aq, Qırǵızstan tárepi de Tashkentte sawda úyin ashıw maqsetin málim etken.
2024-jılı eki mámleket arasındaǵı sawda kólemi 846 million dollardı quraǵanın atap ótiw zárúr.

Qaraqalpaqstan xabar agentligi