Ózbekstan Respublikası Prezidenti Shavkat Mirziyoev 7-aprel kúni Parlamenteraralıq awqamnıń 150-yubiley Assambleyası sheńberinde Pakistan Islam Respublikası Senatı Baslıǵı Yusup Rizo Ǵiloniy basshılıǵındaǵı delegaciyanı qabılladı.

Ushırasıw basında joqarı mártebeli miyman mámleketimiz basshısına Prezident Asif Ali Zardariy hám Bas ministr Shahboz Shariftiń sálemin hám eń jaqsı tileklerin jetkerdi.

Ózbekstan-Pakistan strategiyalıq sheriklik qatnasıqları izbe-iz rawajlanıp atırǵanı úlken qanaatlanıwshılıq penen atap ótildi.
Óz-ara swda kólemi, birgeliktegi kárxanalar hám tikkeley párwazlardıń sanı artpaqta, eki mámleket jetekshi kompaniyalarınıń qatnasıwında biznes forumları hám kórgizbeler turaqlı ótkerilmekte.
Jaqında Ózbekstanǵa ámelge asırılǵan joqarı dárejedegi tariyxıy sapar dawamında erisilgen kelisimlerdiń nátiyjeli orınlanıwın támiyinlewde parlamentlerdiń rolin kúsheytiwge ayrıqsha itibar qaratıldı.
Sawda-ekonomika, investiciya hám transport tarawlarındaǵı áhmiyetli joybar hám baǵdarlamalardı jedellestiriw, sonıń ishinde, Transawǵan jol qurılısın alǵa qoyıw, sonday-aq, aymaqlararalıq birge islesiw hám gumanitarlıq almasıwlardı keńeytiw zárúrligi atap ótildi.

ÓzA