Ózbekstan Respublikası Oliy Majlisi Iran Islam Respublikası Islamiy Keńes Májilisi menen birge islesiw boyınsha parlamentleraralıq toparınıń Iran Islam Respublikası Islamiy Keńes Májilisiniń wákilleri menen ushırasıwı bolıp ótti.

Sóylesiwde keyingi jıllarda Ózbekstan – Iran qatnasıqları jańa pát penen rawajlanıp atırǵanı, ásirese, mámleket basshılarınıń qızǵın hám doslıq qatnasıǵı hám háreketleri sebepli eki mámleket arasında birge islesiw qatnasıqları jańa basqıshqa shıqqanı ayrıqsha atap ótildi.
Eki tárepleme qatnasıqlarda parlamentleraralıq qatnasıqlar da áhmiyetli orın tutatuǵını atap ótildi. Parlamentleraralıq birge islesiwdi, sonıń ishinde, parlamentleraralıq doslıq toparlarınıń jumısın jáne de janlandırıw, óz-ara saparlardıń almasıwın dawam ettiriw zárúr ekenligi atap ótildi.
– Iran menen Ózbekstan arasında kóp ásirlik tariyxıy qatnasıqlarımız bar, – deydi Oliy Majlis Nızamshılıq palatasınıń Agrar hám suw xojalıǵı máseleleri komitetiniń baslıǵı, topar basshısı Ravshan Mamutov. – Xalıqlarımız arasındaǵı burınǵı mádeniy-tariyxıy qatnasıqlar bolsa Ózbekstan – Iran qatnasıqların rawajlandırıw ushın bekkem tiykar bolıp xızmet etpekte.
Ásirese, sońǵı jıllarda Ózbekstan-Iran qatnasıǵı barlıq taraw hám baǵdarlarda rawajlanıp barmaqta. Atap aytqanda, eki mámleket parlamentleri arasında tıǵız birge islesiw alıp barılıp atırǵanı nátiyjesinde parlamentleraralıq qatnasıqlar jáne de jedellesti.
Bul ushırasıw parlamentlerimiz arasındaǵı óz-ara birge islesiwdi bekkemlew, ámeliy qatnasıqlardıń nátiyjeliligin jáne de arttırıw hám nızam dóretiwshiligi tarawında óz-ara tájiriybe almasıw, bul baǵdardaǵı birge islesiwdi jáne de bekkemlewge xızmet etetuǵınına isenemiz.
Doslıq hám konstruktivlik ruwxta ótken sóylesiwler juwmaǵında tárepler eki mámleket arasındaǵı qatnasıq hám ámeliy birge islesiwdi hár tárepleme bekkemlewde parlamentleraralıq imkaniyatlardan keńnen paydalanıwǵa kelisip aldı.

M.Komilova, ÓzA