Oraylıq bank maǵlıwmatlarına qaraǵanda, 5 grammlıq altın quymanıń bahası birinshi márte 6,7 million sumnan astı hám rekord dárejeni kórsetti. Onda bir gramm altın 1 million 42 mıń sumǵa bahalanbaqta. Bul mámlekettiń tariyxında rekord nátiyje bolıp, keyingi bir jıl ishinde altınnıń keskin qımbatlaǵanın kóriw múmkin.

Bir jıl burın – 2024-jıldıń aprel ayında 5 gramm altın quyma bahası 4 million 720 mıń sum átirapında edi. Bir jıl ishinde bul baha 1 million 980 mıń sumnan zıyatqa kóterilip, shama menen 41 procent ósimdi kórsetti.
Keyingi jıllarda Rossiya, Qıtay hám basqa da mámleketler ózleriniń altın rezervlerin keńeytiwge háreket etpekte. Bul bolsa bahalardıń jáne de qımbatlawına túrtki bolmaqta.

ÓzA