Házirgi kúnlerde Awıl xojalıǵı ministrligi delegaciyası Qıtaydıń Pekin qalasında ótkerilip atırǵan “Beijing International Digital Agriculture and Irrigation Technology Expo” kórgizbesinde qatnaspaqta. Ilajda 800 den aslam iri awıl xojalıǵı hám irrigaciya tarawındaǵı kompaniya óz ónimlerin kórsetpekte.

Ózbekstan delegaciyası kórgizbe dawamında óz prezentaciyaların ótkerdi hám bir qatar qıtay kompaniyaları menen birge islesiw máselelerin dodaladı. Sonıń ishinde, “Beijing Hrunan Technology” kompaniyası menen suwdı únemlewshi texnologiyalar hám suwdı basqarıw ónimlerin engiziw, “Tianjin Hongwang” kompaniyası menen aqıllı ıssıxanalar qurıw hám arnawlı ıssı qapalamalar islep shıǵarıw boyınsha investiciyalardı ámelge asırıw, sonday-aq, Tashkent mámleketlik agrar universitetiniń tájiriybe xojalıǵındaǵı eski ıssıxanalardı zamanagóylestiriw máseleleri kórip shıǵıldı.
Sonday-aq, “Rainborn” kompaniyasınıń wákilleri menen topıraq monitoringiniń joybarları, “Shanghai Argist Co.LTD (https://co.ltd/)” hám “Defa Science and Technology” kompaniyaları menen birge islesiw máseleleri úyrenildi.
Delegaciyanıń sapar rejesinde Qıtaydıń iri universitetleri hám milliy oraylarınıń wákilleri menen ushırasıwlar ótkeriw
belgilengen.

Muhayyo Toshqoroeva, ÓzA