«Respublika aymaqların jedel kompleksli rawajlandırıw ushın tańlap alınǵan rayon (qala)larda ámeliy ilajlardı ámelge asırıw haqqında»ǵı Prezident qararı qabıl etildi.

Qararǵa muwapıq, respublika aymaqların jedel kompleksli rawajlandırıwdıń tiykarǵı maqsetleri etip 16 rayon (qala)da tómendegiler belgilendi, sonıń ishinde:
– sanaat óndirisi kólemi ortasha 7-8 procentke, bazar xızmetleriniń kólemi 15-17 procentke, awıl xojalıǵı óndirisiniń kólemi 4-5 procentke turaqlı ósiwin támiyinlew;
– jumıssızlıq dárejesin 4-5 procentke, kámbaǵallıq dárejesin 5-6 procentke azaytıw, onda Qońırat, Asaka, Ǵallaaral, Denau rayonları hám Marǵılan qalasın jumıssızlıq hám kámbaǵallıqtan jıraq aymaqqa aylandırıw.
Qararǵa tiykarlanıp, tómendegi joybarlar islep shıǵıladı, sonıń ishinde:
2025-jıl 1-iyulge shekem Rayon (qala)lardı jedel kompleksli rawajlandırıw baǵdarlamaları (Baǵdarlama) sheńberindegi rayon (qala)lar oraylarınıń islep shıǵılǵanına 10 jıldan aslam múddet bolǵan bas rejelerin 3 kategoriyadaǵı (renovaciya, rekonstrukciya hám konservaciya) zonalarǵa ajıratıp, ápiwayılastırılǵan tártipte hám xalıq hám isbilermenlerdiń usınısın inabatqa alǵan halda jańalanǵan bas reje joybarları;
– Asaka, Ǵıjduvan, Ǵallaaral, Xatirchi, CHortoq, Sırdárya, Denau, Quva, Shavat rayonları hám Yangiywl qalasınıń orayları hám olarǵa tutas aymaqlarda xalıq hám turistlerdiń jasawı, dem alıwı hám qatnasıwı jáne xızmetler hám basqa baǵdarlarda isbilermenlik jumısı ushın qolaylı sharayatlar jaratıwǵa qaratılǵan master reje joybarları;
– Xatirchi, Quva hám CHartaq rayonlarında turizm baǵdarındaǵı master reje joybarları;
– 2026-jıl 1-yanvarǵa shekem Baǵdarlama sheńberindegi rayon (qala) hákimliklerinde huqıqıy eksperiment retinde «Xalıq hám isbilermenlerdiń máplerine xızmet etiw» jańasha qatnas tiykarında Joybar ofisi jumısı jolǵa qoyıladı.

ÓzA