Parlamentleraralıq Awqamnıń 150-assambleyası múnásibeti menen elimizge kelgen Iran Islamiy keńesi Majlisi Baslıǵınıń birinshi orınbasarı Hamidriza Hojiboboiy basshılıǵındaǵı delegaciya Oliy Majlis Senatına bardı.

Senat Baslıǵı Tanzila Norboeva ushırasıwda parlamentleraralıq baylanıslardı bekkemlew hám erisilgen kelisimlerdiń orınlanıwın támiyinlew, sonday-aq, sawda-ekonomikalıq birge islesiwdi rawajlandırıw máseleleri dodalandı.
Tárepler eki mámleket arasındaǵı doslıq qatnasıqların izbe-iz rawajlandırıw áhmiyetli ekenligin atap ótti. Óz-ara tovar almasıw kólemi keyingi altı jılda 1,7 esege ósip, 2024-jılı 497 million dollarǵa jetkeni, Ózbekstanda iranlı investorlardıń qatnasıwında 261 kárxana jumıs alıp barıp atırǵanı atap ótildi.
Parlamentler arasında sistemalı sóylesiw ornatıw hám nızamshılıq tarawındaǵı birge islesiwdi kúsheytiw, jeńilletilgen sawda kelisimi sheńberinde ónimler dizimin keńeytiw boyınsha kelisimge erisildi.

N.Abduraimova,
ÓzA