Qaraqalpaqstan medicina institutında Qaraqalpaqstan Respublikası Konstituciyasınıń 32 jıllıǵına arnalǵan saltanatlı ilaj bolıp ótti

Ilajǵa Qaraqalpaqstan Respublikası Joqarǵı Keńesiniń Sud-huqıq hám korrupciyaǵa qarsı gúresiw máseleleri komitetiniń baslıǵı A.Atajanov, Qaraqalpaqstan Respublikası Hákimshilik sudınıń baslıǵı A.Nurlipesov, Qaraqalpaqstan Respublikası Prokuraturası bólim baslıǵı A.Ergunusov, fakultet dekanları, professor-oqıtıwshılar, student-jaslar hám ǵalaba xabar qurallarınıń wákilleri qatnastı.
Dáslep Ózbekstan hám Qaraqalpaqstan Respublikalarınıń mámleketlik gimnleri jańladı. Ilajdı institut rektorı w.w.a O.Xalimov ashtı hám basqarıp bardı.
Ilaj dawamında shıǵıp sóylewshiler qatnasıwshılardı Qaraqalpaqstan Respublikası Konstituciyası qabıl etilgeniniń 32 jıllıǵı menen qutlıqlap, Konstituciyanıń mámlekettiń rawajlanıwı, xalıqtıń abadanlıǵı hám demokratiyalıq huqıqıy sistemanı bekkemlewdegi ornın ayrıqsha atap ótti. Ásirese, sońǵı jılları jaslardıń joqarı bilim alıw imkaniyatların keńeytiwge qaratılǵan reformalarǵa keńnen toqtaldı.
Ótkerilgen ilaj dawamında qatnasıwshılar mámlekette nızam ústinligin támiyinlew, jaslardıń huqıqıy bilim hám mádeniyatın arttırıw baǵdarında ámelge asırılıp atırǵan jumıslar boyınsha pikir alıstı.

Adilbay Orazov,
Qaraqalpaqstan xabar agentligi sholıwshısı.