Qaraózek rayonında «Hayal-qádiriyatlar dawamshısı» tańlawınıń rayonlıq basqıshı ótkerildi.

Tańlawǵa awıl hám mákan puqaralar jıyınlarınan belsendi hayal-qızlar toparları qatnastı.
Onda qatnasıwshı toparlar xalqımızdıń milliy qádiriyatları, úrp-ádet hám salt-dástúrlerin úgit-násiyatlaw, shańaraqlıq tárbiya hám mánawiyattı bekkemlew baǵdarında ózleriniń bilimi, zeyini, shaqqanlıǵı hám tapqırlıǵın kórsetip, tamashagóylerdiń alǵısına miyasar boldı.
Ótkerilgen tańlaw juwmaǵında, Esim mákan puqaralar jıyınınıń «Tumaris ana» toparı birinshi orındı iyelep, tańlawdıń Qaraqalpaqstan Respublikalıq basqıshına jollamanı qolǵa kirgiziwge eristi.
Ilaj sońında tańlaw jeńimpazları Qaraózek rayonlıq shańaraq hám hayal-qızlar bóliminiń diplom hám estelik sawǵaları menen sıylıqlandı.

Adilbay Orazov,
Qaraqalpaqstan xabar agentligi sholıwshısı