5-9-aprel kúnleri paytaxtımızda bolıp ótetuǵın Parlamentleraralıq Awqamnıń 150-yubiley assambleyasına qızǵın tayarlıq kórilmekte. Abıraylı ánjumanda 200 ge shamalas mámleketten wákiller, dúnya parlamentariyleri qatnasadı.

Házirgi waqıtta assambleya qatnasıwshıları elimizge kelmekte. Mártebeli myimanlardı kútip alıw hám olarǵa joldaslıq etiwde Oliy Majlis Nızamshılıq palatasınıń deputatları da qatnaspaqta.
Sonıń ishinde, Birlesken Arab Ámirliginiń PI vice-prezidenti, Federal Keńestiń Qorǵanıw, ishki hám sırtqı isler komitetiniń baslıǵı Ali Rashid Al Nuaymi basshılıǵındaǵı delegaciya Tashkentke keldi. Olarǵa Nızamshılıq palatasınıń Ekologiyalıq partiya frakciyasınıń basshısı Abdushukur Hamzaev joldaslıq etpekte.
Ullı Britaniya Wákiller palatasınıń aǵzası Fabian Xamiltondı bolsa Nızamshılıq palatasınıń deputatı Baxtiyar Pulatov kútip aldı hám oǵan joldaslıq etti. Abıraylı ánjumanǵa kelgen Kanada Senatı aǵzaları hám jámáátlik palatasınıń wákillerin Nızamshılıq palatasınıń deputatı Gulnaraxan Abduvohidova kútip alıp, miymanlarǵa joldaslıq etpekte.
Sonday-aq, jáne bir qatar mámleketlerdiń wákilleri deputalardıń qatnasıwında múnásip kútip alınıp, parlamentarizm dúnyasındaǵı áhmiyetli ánjumanǵa qızǵın tayarlıqlar kórilmekte.
Ózbekstanda ótip atırǵan bul xalıqaralıq ánjuman tiykarında dúnya názeri jáne bir márte elimizge qaratılıp, mámleketimiz bul siyasiy sóylesiwdiń belsendi qatnasıwshısı sıpatında kózge taslanatuǵının atap ótiw kerek.

ÓzA