Qaraqalpaqstannıń qay jerinde «plan» bar? Usı soraw boyınsha kadastrshılarǵa kópshilik puqaralardan múrájat keledi.

Álbette, házirgi waqıtta xalıq sanınıń kóbeyiwi turaq jayǵa bolǵan talaptı, bul bolsa óz gezeginde, jer orınlarına degen mútájlikti keltirip shıǵaradı.

Házirgi waqıtta puqaralar tárepinen ortaǵa túsiwshi shaxslardan yaki «tanıslar» arqalı jer orınların satıp alıp, «keyin kadastr isletip beremen» degen sózlerine aldanıp qalıp atırǵanlar ushıraspaqta.
Biraq, usılayınsha «qoldan» satıp alınǵan yamasa huqıqıy hújjeti bolmaǵan jer maydanlarına kadastr hújjetleri rásmiylestirilmeydi.
Puqaralardıń aldanıp qalmawı hám iyelik etiw huqıqı joq jer orınların iyelep almawı ushın búgingi kúnde Qaraqalpaqstan Respublikasında úsh mıńǵa shamalas jer orınları alpıs ayǵa bólip tólew imkaniyatı menen aukcionǵa shıǵarılǵan.
Bunıń ushın https://e-auksion.uz saytına kirip dizimnen ótip, ózińiz qálegen aymaqtan awıl xojalıǵında paydalanılmaytuǵın jerlerden múlk huqıqı tiykarında utıp alıw imkaniyatı berilgen.
Rayonlar kesimide aukcionda turǵan jerler
Beruniy rayonı – 50
Bozataw rayonı – 118
Qaraózek rayonı – 100
Kegeyli rayonı – 32
Qońırat rayonı – 52
Qanlıkól rayonı – 67
Moynaq rayonı – 230
Nókis rayonı – 51
Taqıyatas rayonı – 167
Taxtakópir rayonı – 25
Tórtkúl rayonı – 217
Xojeli rayonı – 88
Shımbay rayonı – 50
Shomanay rayonı – 159
Ellikqala rayonı – 3

Qaraqalpaqstan xabar agentligi